سلام پرېس 
د اوبو او انرژۍ وزارت وايي، د کونړ پر سیند د بندونو جوړولو تخنیکي سروې ګانې بشپړې شوي او په نږدې وخت کې به پر یاد سیند دوه بندونه جوړ شي. د دغه وزارت ویاند مطیع الله عابد له یوه خصوصي ټلویزیون سره په مرکه کې ویلي، چې د کونړ پر سیند د بند په جوړولو کې د هیچا مخالفت ته ونه ګوري او د خپل مسلم حق له مخې به یې اوبه مهار کړي. نوموړي ویلي، د یادو بندونو په جوړېدو سره به زرګونه هکټاره ځمکې پر خړوبېدو سربېره یوه اندازه برېښنا هم تولید کړي.
