سلام پرېس 
د برېښنا شرکت مسوولینو په یوه خپره کړې خبر پاڼه کې ویلي، چې د تېر حکومت له سیاستوالو او زورواکو څخه یې د برېښنا د لګښت پاتې ۱۸۶ میلیونه افغانۍ پورونه را ټول کړي دي. د مسوولینو په خبره دغه پیسې پر افغانستان د سرپرست حکومت له بیا واکمنېدو وروسته، د دغه شرکت په مشرۍ د کورنیو چارو او دفاع وزارتونو او استخباراتو ریاست په ګډون د جوړ شوي کمېسیون په همغږۍ راټولې شوې دي. د برېښنا شرکت مسوولین دغه راز زیاتوي، چې د پورونو د راټولو لړۍ لا هم روانه ده. بلخوا، د پلازمېنې یو شمېر اوسېدونکي د برېښنا شرکت له لوري د پورونو د راټولولو د بهیر په هرکلي سره د دغه شرک له لوري د کال په ټولو موسمونو کې د خپلې اړتیا وړ برېښنا د برابرېدو غوښتنه کوي.
