سلام پرېس 
په بادغیس کې، د افغانستان د حلقوي سړک د یوې برخې کار پیل شو. ټولګټو چارو وزارت ویلي، دغه حلقوي سړک چې ۳۰ کیلومتره اوږدوالی لري، د ټولګټو وزارت او خپلواک کاظمي ودانیز او سړک جوړونې شرکت ترمنځ د معدن د استخراج په بدل کې قرارداد شوی دی، چې دا مهال یې چارې روانې دي. ویل شوي چې د دې پروژې په بشپړېدو سره به د هېواد لوېديځ ولایتونه له شمالي ولايتونو سره و نښلول شي او د سوداګریزو توکو په لېږد رالېږد کې به د پام وړ اسانتياوې رامنځته شي.
