سلام پرېس 
د بغلان ولایت د برېښنا ریاست مسوولین وايي، چې د دغه ولایت په خنجان ولسوالۍ کې ۱۵۰ کورنیو ته برېښنا برابره شوې ده. د یاد ولایت د برېښنا رییس رسنیو ته ویلي، چې د یاد ولایت په خنجان ولسوالۍ کې د ۱۸۴ زره افغانیو په لګښت د یوه ترانسفارمر په لګولو سره، چې د ۱۶۰ کیلو واټه برېښنا ظرفیت لري، د سیمې ۱۵۰ کورنیو ته برېښنا برابره شوه. دا په داسې حال کې ده، چې څو ورځې وړاندې هم د یاد ولایت په ډنډې غوري ولسوالۍ کې ۵۰۰ کورنیو ته برېښنا برابره شوې وه.
