سلام پرېس 
د مالیې وزارت په خپره کړې خبر پاڼه کې ویلي، چې په تېره يوه اونۍ کې يې د افغانستان له ګمرکونو د بې کيفيته وارد شویو تېلو شاوخوا ۶۰ ټانکرونه بېرته ایران ته استولي دي. په خبر پاڼه کې راغلي، چې دغه ټانکرونه یې د فراه له ابونصر فراهي او د نیمروز او هرات د تورغونډۍ له ګمرکونو ایران ته ستانه کړي دي. د سرچینې د مالوماتو له مخې د نفتي موادو د کيفيت او څارني رياست د فراه ولایت د ابونصر فراهي ګمرک کې ۲۰ ټانکره، د نيمروز په ګمرک کې ۲۸ او د هرات د تور غونډۍ په ګمرک کې ۱۲ ټانکره بې کيفيته تيل تر معلومولو وروسته بیرته ایران ته ليږلي دي.
