سلام پرېس 
د کابل ښاروالۍ خبر ورکړی، چې د نهمې ناحیې د ۶ او ۱۶م ګذر په قلعه حبیب، یکه توت او امین آباد سیمو کې د ۷ فرعي سړکونو د جوړولو چارې بشپړې او ګټې اخیستنې ته سپارل شوي دي. د مالوماتو له مخې په ۶م ګذر کې جوړ شوي سړکونه په ټولیزه توګه ۱۱۳۰ متره اوږدوالی او له ۴ څخه تر ۵ مترو پورې سور لري چې د جوړولو چارې یې د څلورو میاشتو په موده کې، د ۸ میلیونه افغانیو په لګښت بشپړې شوې دي. دغه راز په ۱۶م ګذر کې جوړ شوي سړکونه په ټولیزه توګه ۹۲۵ متره اوږدوالی او له ۴ څخه تر ۵ مترو پورې سور لري چې د جوړولو چارې یې د څلور نیمو میاشتو په موده کې د څه باندې ۸ میلیونه افغانیو په لګښت بشپړې شوې دي.
