سلام پرېس د ریاست الوزرا د دفتر عمومي رییس ډاکتر ملا عبدالواسع د کابل ښار د سوداګرو او کسبګرو د ملاتړ ټولنې له رییس او غړو سره لیدنه کړې.
په دې لیدنه کې لومړی د کابل ښار د سوداګرو او کسبګرو د ملاتړ ټولنې د حقوقي ستونزو د حل رییس او ملي سوداګرو د یادې ټولنې د فعالیتونو په اړه خبرې کړي او په بېلا بېلو برخو کې یې خپلې ستونزې او وړاندیزونه د ریاست الوزرا د دفتر عمومي رییس سره شریک کړې دي.
ډاکتر ملا عبدالواسع دوي ته د ښه راغلاست ترڅنګ ويلي، اسلامي امارت د ټولنې د ټولو اقشارو د ستونزو حل لپاره هڅه کوي او یادې شوې ستونزې او وړاندیزونه به د حل په موخه له اړوندو ادارو سره شریک کړي.
