سلام پرېس 
په دې وروستيو کې قوش تېپې کانال ته د سياحت او تفرېح لپاره د سیلانیانو ورتګ زیات شوی. له کابل څخه تللي يو شمېر سيلانيان د ياد کانال په ليدو خوښي ښيي او وايي، چې پخوا يې د اوبو دغه ستر کانال پرخواله رسنیو ليدلى وو، خو اوس یې له نڔدې په ليدلو سره د خوښۍ احساس کوي. د قوش تېپې کانال یو شمېر ساحوي مسوولين وايي، په دې وروستیو کې د دې کانال ښکلې فضا او شنو روانو اوبو د ګڼ شمېر کورنيو سيلانيانو پام ځان ته ور اړولی دى. دوی وایي، د جمعې په ورځو کې په زرګونه کسان له بېلابېلو ولایتونو څخه د تفریح لپاره ورځي.
