سلام پرېس 
د هرات ولایت ځایي چارواکو د یاد ولایت په انجیل، ګذره، او زنده جان ولسوالیو کې د څلور نیم میلیونه ډالرو په لګښت د ۱۵۰ بېلابېلو ټولګټو پروژو د بشپړېدو خبر ورکړی دی. د مالوماتو له مخې په دې پروژو کې د اوبو کوچني بندونه، سړکونه، استنادي دیوالونه، کارېزونه او کانالونه جوړول شامل دي، چې د خوړو نړیوال سازمان په مالي ملاتړ د ۴.۵ میلیونه افغانیو په لګښت ګټې اخیستنې ته سپارل شوي دي. د هرات ځایي چارواکي وایي، چې دا ډول پروژې د کاري فرصتونو په رامنځته کولو کې اساسي رول لري. د یادولو وړ ده، چې د سر پرست حکومت په راتګ سره په هېواد کې سلګونه ټولګټې پروژې بشپړې او دغه راز ګڼ شمېر نورو رغنیزې چارې روانې دي.
