سلام پرېس 
د اوبو او برېښنا وزارت په هېواد کې د اوبو او برېښنا برخه کې پانګونې ته د هندي پانګوالو له لېوالتیا خبر ورکوي. د یاد وزارت مسوولین وايي، چې یو شمېر هندي پانګوالو د یاد وزارت له مرستیال سره په لیدنه کې ډاډ ورکړی، چې په افغانستان کې به د اوبو په ځانګړې ته اوبیزو پروژو د پلي کېدو په برخه کې پانګونه وکړي. بل لور ته د اوبو او برېښنا وزارت وايي، چې له پانګوالو ملاتړ کوي. د اوبو یو شمېر متخصصین بیا پر دې باور دي، چې د اوبو د مدیریت او انرژۍ د تولید په برخه کې د پروژو پلي کولو په موخه د بهرنیو او کورنیو شرکتو همکاریو ته اړتیا ده.
