سلام پرېس 
د کډوالو او بېرته راستنېدونکو چارو وزارت له ایران څخه هېواد ته د ۳ زره او ۱۶۵ افغان کډوالو د راستنېدو خبر ورکړی. د دغه وزارت په وینا یاد کډوال د تلې په ۲۴ مه نېټه، په جبري او دواطلبانه ډول د اسلام کلا له لارې هېواد ته راستانه شوي دي. دغه وزارت په یوه خبر پاڼه کې له پاکستان څخه هم د ۵۳۴ کورنیو د راستنېدو خبر ورکړی دی. د خبرپاڼې له مخې دغه کډوال د تلې په ۲۴ مه د تورخم له لارې هېواد ته راستانه شوي او د مرستو ترلاسه کولو لپاره د کډوالۍ نړۍوال سازمان او د کډوالو په چارو کې د ملګرو ملتونو عالي کمېشنرۍ ته ور پېژندل شوي دي.
