سلام پرېس 
د ملي پراختیا شرکت مسوولین وايي، چې په سرپل ولایت کې د سلطان ابراهیم بند د بیارغونې لګښت به د دغه ولایت د قشقري د نفتو له عوایدو څخه ورکړل شي. په ورته وخت کې د سرپل والي وايي، چې د یاد بند په جوړېدو سره به د دغه ولایت د خلکو د برېښنا ستونزه تر یوه بریده حل شي. د ملي پراختیا شرکت مسوولین وايي، د سلطان ابراهیم بند د سروې کار به په راتلونکې یوه میاشت د دې ادارې د تخنیکي ټیم له خوا په عملي ډول پیل شي.
