سلام پرېس 
په کابل کې د صادراتو د پروسس زون د جوړولو لپاره د ۱۰۰ جریبه ځمکې د انتقال عملي چارې پیل او په نورو زونو کې هم د ځمکې د انتقال لپاره کارونه دوام لري. صنعت او سوداګرۍ وزارت د زون جوړول د اقتصادي پرمختګ لپاره مهم ګام بللی او ويلي يې دي چې د زون د نه شتون له امله؛ افغانستان هر کال شاوخوا څلور ملیارده ډالره زیان سره مخ کېږی. د هر زون لپاره ۱۰۰ جریبه ځمکه په پام کې نیول شوې چې ورسره به په هر زون کې ۲۰ زرو کسانو ته د کار زمينه هم برابره شي.
