سلام پرېس 
د اطلاعاتو او کلتور وزارت سرپرست وزیر ویلي، چې د هیواد په ۶ ولایتونو کې د بهرنیو سیلانیانو لپاره ځانګړي هوټلونه جوړوي. دیاد وزارت سرپرست دا خبرې د هرات ولایت د اطلاعاتو او کلتور رياست له اداري کارکوونکو سره په کتنه کې کړې دي. سرپرست وزیر همدا راز دیاد ولایت ځایي چارواکو او خلکو ته ډاډ ورکړی، چې په هرات ولایت کې به ټول هغه تاريخي ابدات هم ورغوي، چې د زلزلې له امله زيانمن شوي دي. د اطلاعاتو او کلتور وزارت سرپرست وزیر د هوټلونو جوړولو خبره په داسې حال کې کوي، چې په دې ورستیو کې هیواد ته د بهرنیو سیلانیانو راتګ زیات شوی دی، چې د هرات ولایت په شمول له یو شمېر نورو ولایتونو څخه یې هم لېدنې کړې دي.
