سلام پرېس 
د کانونو او پټرولیم سرپرست وزیر د ترکيې ۷۷ شرکت له رییس سره لیدلي. د یاد شرکت رییس په دغه لیدنه کې د سرپرست حکومت فعالیتونه او لاسته راوړنې ستایلي او ویلي یي دي، چې غواړي تر څو د یتیم تاق سمنټو پروژې تړون لاسلیک او کار یې پیل کړي. د کانونو او پټرولیم سرپرست وزیر د یتیم تاق سمنټو د تړون په برخه کې د بشپړې همکارۍ ډاډ ورکړی او له یاد شرکت څخه یې د پروپوزل د وړاندې کولو تر څنګ د غوره ټولنیزو خدمتونو او د چاپېریال ساتنې برخه کې د کار غوښتنه کړې ده.
