سلام پرېس 
د ننګرهار په کامې ولسوالۍ کې ۵۰ مېرمنو ته د کاري زمینې برابرولو او خوړو خوندیتوب په پار پنځوس کسیزې ټولنې ته د شاتو مچۍ او اړين وسایل ورکړل شول. د ننګرهار د کرنې ریاست مسوولین ویلي، چې دغه مرسته د یاد ریاست تر چتر لاندې د هالنډ کمېټې په تخنیکي او اروپایي ټولنې په مالي همکاري شوې ده. د مسوولینو په خبره چې د ۵۰ کسیزو مېرمنو ټولنې ته سل صندوقه د شاتو مُچۍ، د مچیو لپاره بوره، خالي صندوقونه او نور اړین وسایل ورکړل شوي دي. د شاتو مچیو د وېش موخه د دې صنعت پراختیا، مېرمنو ته د کاري زمینو برابرول او د خوړو خوندیتوب دی.
