سلام پرېس 
د ایران د خراسان رضوي ولایت د اقتصادي چارو د همغږۍ مرستیال ابوالفضل چمندي او ورسره مل پلاوي د صنعت او سوداګرۍ له سرپرست وزیر نورالدین عزیزي سره په لیدنه کې ویلي؛ چمتو یو، چې په افغانستان کې له خصوصي سکټور سره په ګډه پانګونه وکړو. دې غونډه کې نورالدین عزیزي د دواړو هېوادونو ترمنځ د راکړې ورکړې پر زیاتوالي د ټینګار سربېره ویلي، چې د سرپرست حکومت له لوري د افغانستان او ایران ترمنځ د سوداګرۍ زیاتوالي په موخه ټیم ټاکل شوی دی.
