سلام پرېس 
د میدان وردګو ولایت ځایي امنیتي مسوولینو خبر ورکړی، چې د دغه ولایت په مرکز میدان ښار کې د یوې ترافیکي پېښې له امله ۶ کسانو ته د مرګ ژوبله اوښتې ده. د یاد ولایت د امنیې قومندانۍ د ترافیکو مدیریت ویلي، چې د میدان ښار اړوند زراعت لېسې ته څېرمه د یوه کرولا ډوله موټر د چپه کېدو په پېښه کې ۳ تنه مړه او ٣ نور ټپیان شوي دي. د پېښې ټپیان د یاد ولایت روغتیایي مرکز ته استول شوي. دا په داسې حال کې ده، چې تېره ورځ په بغلان او بدخشان ولایتونو کې هم د ترافیکي پېښو له امله شاوخوا ۲۵ کسانو ته مرګ ژوبله اوښتې وه.
