سلام پرېس 
د پنجشېر ولایت د کلیو بیا رغونې او پراختیا ریاست مسوولین وايي، چې په یاد ولایت کې د ۲۰ پراختیايي پروژو چارې بشپړې او ګټې اخیستنې ته سپارل شوې دي. د یاد ولایت د کلیو بیا رغونې او پراختیا ریاست مسوولین وایي، چې په دغه ولایت کې د نړیوال بانک په مالي ملاتړ د ۴۰ میلیونه افغانیو په لګښت د ۲۰ پراختیايي پروژو چارې بشپړې شوې دي. د چارواکو په خبره، په یادو پروژو کې د کرنې، کانالونو، پلچکونو، او سړکونو او د ورته نورو پروژو د جوړولو او بیا رغولو چارې شاملې دي.
